လမ်းဝေး

ငါက မှောင်မိုက်တဲ့ အလင်းနဲ့
လမ်းပေါ်မှာ တိတ်ဆိတ်နေတယ်
မင်းက ကျမ်းထူထူကြီးတွေဖတ်ပြီး
ယုတ္တိဗေဒကို လေ့လာနေတယ်
ငါ့အလုပ်က
ရင်ချင်းဆက်ဘာသာဗေဒ
မင်းအလုပ်က
လောကကိုဘောင်တွေခတ်ဖို့
ငါက စာကြီးပေကြီးဆို မဖတ်ချင်တဲ့
ခပ်ညံ့ညံ့ဦးခေါင်းတစ်လုံးနဲ့လူ
ငါ့မှာ အဓိပ္ပါယ်တွေ မရှိဘူး
ပညာတတ်ယဉ်ကျေးမှုလည်းမရှိဘူး
မျက်စိကျိန်းလောက်တဲ့
ဝင်းဝင်းလက်လက်လည်း မရှိဘူး
မင်းအချစ်ကို မျှော်လင့်မိတာကလွဲရင်
ငါဟာ အချိန်ရှိတိုင်း တိုက်စားခံနေရတဲ့
လုံးဝန်းတဲ့ သုညတစ်လုံး
အဆုံးမှာ နင့်မျက်ဝန်း
ကြွေလုဆဲ နှင်းဆီဖူး
ရူးရူးမူးမူးဖြစ်နေတာ
သုညကမ္ဘာတောင် ခြားတယ် ။ ။

သီဟညိမ်း

ရေမရောထားတဲ့အရက်ခွက်ထဲ ငါ့ကိုယ်ငါပြန်တွေ့ခြင်း

တစ်ခြမ်းတစ်ဖဲ့တစ်ဝက်
ရေမရောထားတဲ့ညနေခင်းတွေဆီမှာ
ပင်လယ်က ဒီဇင်ဘာဆန်ဆန်လွမ်းပြတယ်
လမ်းဆုံးရင်ရွာတွေ့ဆိုတဲ့စကားအတိုင်း
လမ်းပျောက်အောင်သွားခဲ့
တောင်တန်းတွေဖောင်းပိန်ရှူနေကြ
တိုက်တာအိုးအိမ်တွေက အချယ်အသတွေနဲ့
လမ်းတွေက ဖိနပ်တွေကို မထမ်းချင်တော့မှ
အမှောင်ကို အမှောင်က သိမ်းပိုက်
ညမွှေးပန်းမှာ အဆိပ်မပါဘူး
မပြိုင်မဆိုင်ပါဘဲ အပြိုင်အဆိုင်တွေပေါတယ်
ဝတ်ကြီးဝတ်ငယ်လောကဓံက
မယားငယ်လို နေထိုင်ပေါင်းသင်း
ဆက်ဆံခြင်းသဘောတရားများ
ခုတ်ထစ်ပြတ်တောက်ပြန်ဆက်
သေချာပြီဆိုရင် ရေမရောတဲ့အရက်တစ်ခွက်
ကမ္ဘာကြီးကို မြိုနေပြီဆိုတဲ့အကြောင်း
ကလိမ်ကကျစ်ကြားမှာပဲ
လိမ်ကာညာကာနဲ့
ကိုယ့်ကိုယ်ကို ပြန်ဖာထေးရ
ဘ၀ မာယာမျက်နှာဖုံးက
ဈေးနှုန်းတွေချိုချို
အဖိုးတန်ဆုံးပန်းတစ်ပွင့်
ရင်ထဲကို ကူးလူးပျံသန်း
မနက်ဖြန်တိုင်းမှာ
အပြုံးတွေလတ်ဆတ်ကြပါစိုရဲ့။ ။

သီဟညိမ်း

သူမ / ကျွန်တော်

သူမ

နှင်းဆီဖူးရောင်သုတ်လိမ်းထားတဲ့ ကျည်ဆံတစ်တောင့်နဲ့
ကင်ဒိုဓါးကိုင်ပြီးခုတ်မယ့်ဟန်ပြင်နေတဲ့ ဆာမူရိုင်းမလေးအသွင်
ကပိုကရိုကောက်ကွေးထားတဲ့ ဆံနွယ်လှိုင်း
ရင်ထဲကို လဲ့ပြာသက်ဆင်း
ငါ့ မြက်ခင်းကို နင်းသွားတဲ့သူ

ကျွန်တော်

ကြက်ခြေခတ်တွေပြည့်နေတဲ့ရင်အုံကြီးပါ
မထူမပါး လွမ်းတတ်တာကလွဲရင်
အနုပညာနဲ့စိတ်ကြိုက်ဖန်တီးခွင့်ရှိတယ်
ဘယ်လိုရာသီဥတုမျိုးကိုမဆို
စိတ်က ကတိမ်းကပါး တိမ်းမှောက်ချင်သူ

သီဟညိမ်း

ရယ်သံ

သက်ပြင်းချသံကြားမှာပဲ
ကိုယ့်ကိုယ်ကို တံခါးပိတ်
တိတ်တဆိတ် အိပ်ခဲ့တယ်။

အိပ်မက်ကို ကတ္တီပါလိမ်း
ဆက်လျှောက်ရမယ့်ငါတို့လမ်းမှာ
လမသာတော့ဘူးတဲ့။

မေ့ပစ်လိုက်ဆိုတာနဲ့
အရာအားလုံးမေ့ပျောက်သွားမယ်ဆိုရင်
အားလုံး ငါ မေ့ထားချင်ပါတယ်။

တစ်ကြိမ်တစ်ခါပွင့်တဲ့တံခါး
ကံကြမ္မာဓါးတွေက ရက်ရက်စက်စက်
အိပ်မက်တောင်မှ သွေးချင်းနီတယ်။

ဘယ်လိုပြဇတ်မျိုးကမှ
ကံကြမ္မာကို ဒဏ်ခတ်လို့ရနိုင်မှာလဲ
ငါ့စိတ်ကူးလေး ကြိုးတုပ်ခံလိုက်ရတယ်။

ညီမလေးရယ်
ငါ့ဂြိုလ်စီးဂြိုလ်နင်းကိုက
ညံ့လွန်းပါတယ်
တကယ်ဆို
နက္ခတ်တွေမရွေ့ ပြောင်းမီ
နက်နက်ရှိုင်းရှိုင်း
ရေးခြစ်ကြပါစိုရဲ့။ ။

သီဟညိမ်း

၃၁ဘုံကြားက အလံဖြူ

ဘ၀မှာ
တစ်ခုခုကို လုံးဝပစ်ယုံလိုက်ဖို့
ကျွန်တော့်စိတ်တွေ မိုးမတိတ်သေးဘူး
မကြာသေးခင်က
လူတတ်ကြီးတစ်ယောက်ရဲ့အမြင်နဲ့
ပါဋ္ဌိပညာရှင်ကြီးတစ်ယောက်
ပုရောဟိတ်ပုံစံဖမ်းလို့
ကျွန်တော့်အပေါ်
ဝါဒတွေ ခြွေချခဲ့ဖူးတယ်

စိတ်ကူးယဉ် ယုံကြည်မှုပေါ်မှာ
သူ့ကိုယ်သူ အဖြေမရသေးတဲ့ ပုစ္ဆာတစ်ပုဒ်
ဘာသောက်ရမှန်းမသိတဲ့ လောကပါလ ထမင်းစားပွဲမှာ
ဘယ်လောက်တန်လဲဆိုတဲ့ ပြုံးလိုက်မဲ့လိုက် လောကဓံမှာ
သိသည်ဖြစ်စေ မသိသည်ဖြစ်စေ
သုံးဆယ့်တစ်ဘုံကိုအမျှဝေရင်
ကျွန်တော်တို့ ကျေးဇူးတင်ခွင့်ရှိတယ်မဟုတ်လား

ဆေးလိပ်ဖွာရင်း
စကားပြောရင်း
လဘက်ရည်သောက်ရင်း
ရရှိထားတဲ့ အရသာက
ချဉ်တူးတူးဖြစ်လာတယ်

မိတ္တဗလဋီကာကို လှမ်းကြည့်လိုက်တော့
လူကြီးလူကောင်းလိုလို ဆိုးမိုက်တေလေလိုလို
သူငယ်ချင်းရေ..
ဘိုတင့်ရေ ...
ကံကြမ္မာမိုး ဘယ်လောက်သည်းသည်း
ဒို့တွေ လမ်းလျှောက်ရဲတယ်မဟုတ်လား

ဒီလိုနဲ့
ငါ့ရဲ့ အတွင်းစိတ်သဏ္ဍန်ကို ဖြန့်ကျက်
ကြားနေရတဲ့ ၀ီစီသံကို
အနီရောင်ပြပြီး ဒိုင်ပွဲရပ်လိုက်တယ်
စစ်ပွဲရဲ့ အလယ်ခေါင်တည့်တည့်မှာ
အလံဖြူလေး ဝေ့လိုက် ယိမ်းလိုက် ။ ။

သီဟညိမ်း

အထ္ထုပ္ပတ္တိ

ကိုယ့်ကိုယ်ကိုယ် ငြိမ်းသတ်နေရတာနဲ့
တစ်နေ့မှ
ခြေခင်းလက်ခင်းမသာလှဘူး
ကံကြမ္မာကို
လေးပေါ်တင်ပြီး ပစ်လွှတ်လိုက်တယ်
ဘယ်နေမှာ အမြီးအမှောက်တည့်မလဲ
ကိုယ့်အသိနဲ့ကိုယ်
ကိုယ့်ကိုယ်ကိုယ် ပြန်ဆွဲထိ
ငြိပြီဆိုမှ
ခြေခင်းလက်ခင်းသာလိုက်မယ်
ဒီမှာ
တန်ရာတန်ကြေးထက်တော့
ရေမရောထားတဲ့ အရက်က ပိုပြင်းတယ် ။ ။

သီဟညိမ်း

လက်ထဲမှာဝှက်ထားတဲ့ လက်ခုပ်သံ

ခေါက်ရိုးကျိုးနေတဲ့မနက်ဖြန်တိုင်းကို
လဘက်ရည်ခွက်ထဲထည့်ထည့်နှစ်
အဆင်မပြေမှုတိုင်းကို မီးခိုးငွေ့အဖြစ် မှုတ်ထုတ်
ကိုယ့်မျက်နှာကိုယ် မပီတပြင်အပြုံးတွေနဲ့ ရေထိုး
တစ်ခါတစ်ရံတော့
ကိုယ့်ကိုယ်ကိုယ် ပြန်သနားနေရတယ် ။

မတော်တဆ မိတ်ဖြစ်ဆွေဖြစ်ကနေ
မတော်မတရား မိတ်ဆွေဖြစ်မသွားဖို့
မိတ္တဗလဋီကာလို ကြေညက်ဖို့လိုရဲ့ ။

လောကဓံရှစ်ပါးက
အသက်ကို ထိုးခုတ်
ဘ၀ကို လောင်းကစားလုပ်ရင်
အနိုင်အရှုံးကို သေမင်းဆီမှာ
လက်ဖြန့်တောင်း ရနိုင်မလား ။

ငွေကျပ် ရာကျော်လောက်က
မနက်ဖြန် ဆာလောင်မှုအတွက်
အာသာဖြေနိုင်ခဲ့ပါတယ် ။

ဘ၀ဆိုတဲ့ရောင်စုံဗုံးကလေးထဲ
အဆင်အဆန်းမျိုးစုံနဲ့
တစ်ဆယ့်တစ်ပါးသောမီးများကလို့ခုန်လို့ကောင်းဆဲ
ကျက်နေတဲ့အမာကို ပြန်လည်စမ်းသပ်နေရတာနဲ့
သမုဒယကို မပစ်ပျယ်နိုင်သေးဘူး

မိသည်းညှာရေ
ဒို့များရဲ့နှလုံးသားက လမ်းရှာနေသူတွေမို့
ခြေဖ၀ါးတွေက ကြမ်းရှလွန်းလှတယ်

မင်းသိဖို့ ပြောပြချင်စမ်းရဲ့
ကိုယ်တို့နေတဲ့ကမ္ဘာကြီးကလေ
တကယ်တော့
မျောက်ပြဆန်တောင်း ပုံစံကြီးပါကွယ် ။ ။

သီဟညိမ်း

ခေါင်းစဉ်မဲ့ ၃

ရင်ဘတ်ကလေးငုတ်တုပ်
အုပ်ချုပ်မယ့်သူလိုနေပြီ။ ။

သီဟညိမ်း

ခေါင်းစဉ်မဲ့ ၂

ချယ်ရီပင်အောက်က
ပန်းလိုက်တဲ့ရွှေသံစဉ်
ကိုယ်တွင်းကကျဉ်....
ကျဉ်ပါကွယ်ကိုယ်မယိမ်းပါဘု
စိတ်တွင်းဝယ်အကုန်စင်လို့
လူမြင်ရင်ရှက်စရာကြီးကွယ့်
ဝမ်းတွင်းကမြူး ။ ။

သီဟညိမ်း

ခေါင်းစဉ်မဲ့ ၁

ခြေမကျခင်
မြက်ခင်းပြင်
နွဲ့နွဲ့ယိမ်းယိမ်းရှိလှသည်။ ။

သီဟညိမ်း

ထိချက်

စုန်ချည်ဆန်ချည် လောကကြီးထဲ
မျက်နှာမွဲလူငယ်တစ်ယောက်ရဲ့ခံစားချက်မျိုးနဲ့
အရိုးပေါ်အရေတင် ချွေးခြေမျက်စိကျနေရတယ်
လက်ခမောင်းခတ်သံကြားမှ နေရာရှာနေရတဲ့လူလို
တော်လဲသံတွေကြား တိုးဝင်သွားနေရ
အရှိန်ရလာပြီဆိုရင် နည်းနည်း တော့ရှောင်သွားမယ်
ဒီတစ်ဝိုင်းပြီးနောက်တစ်ဝိုင်း ကူးဖို့ဆိုတာ
တစ်ကျပ်ဆယ်ပြားနဲ့ရတော့တဲ့ ခေတ်မဟုတ်တော့
လော်လီအလှတွေနဲ့ ဘ၀ကိုရောင်းစား
ပန်းတိုင်း မလှဘူးဆိုမှတော့ ရောင်းဈေးကို လျော့လိုက်ကြပေါ့
ရှင်သန်ခြင်းတွေဝေေ၀ဆာဆာဖူးတော့မှ
အနာဂတ်ကို သတ်လိုက်တာ ဘယ်သူလဲ
ကြက်ခြေခတ်တွေကလည်း ရေမလောင်းပေါင်းမသင်ပါဘဲ
လူငယ်တစ်ယောက်ရဲ့ဘ၀ကို ပြဠာန်းတယ်
ပန်းကလေးတွေ ထုံထုံအီအီ
လောကနိမိတ်တွေဆီမှာ စုတ်ချက်ပြင်းပြင်း
မာယာတံတိုင်းအထပ်ထပ်ကာရံ
လမ်းမရှိတဲ့ လသာညတွေကို
အခွဲမခံရပါဘဲ ခြေဖ၀ါးတွေ နာနေခဲ့ရ
မျက်နှာတွေ ပွန်းပဲ့ခဲ့ရ
နှလုံးသားတွေ ယိုစီးခဲ့ရ
ဖိနပ်နဲ့လမ်း တစ်သားတည်း ဖြစ်အောင်
ဘယ်တုန်းကမှ မလျှောက်လှမ်းခဲ့မိဘူး မလျှောက်လှမ်းခဲ့ရဘူး
ငါးစာမချတတ်လို့ ငါးစာကို ဟပ်မိသူ
သောင်ပြင်တစ်လင်းမှာ ဖျတ်ဖျတ်လူးပေါ့။ ။

သီဟညိမ်း

ပေးစာ

စ်ိတ်ပျက်လက်ပျက်လောကကြီးထဲ
ရင့်သီးခြင်းတွေက အားကုန်ပွင့်လို့
အထင်ကရ မျက်နှာတွေမှာလည်း
ဝေေ၀ဆာဆာပွင့်တာဆိုလို့
အသပြာသံတွေပဲ မြင်မြင်နေရ
ပုံသေနည်းမျက်နှာဖုံးတွေ
ငွေသံကြေးသံမျက်နှာဖုံးတွေ
အပြုံးတစ်စက်မာယာတစ်ဝက်မျက်နှာဖုံးတွေနဲ့
အနုပညာကိုခလုတ်တိုက်
သိပ်မိုက်တယ်ဆိုတာ မသိလေရော့သလား
လောင်မြိုက်ခြင်းဝေါဟာရမှာ
ဝီစီသံတွေပဲကြားနေရတယ်
ပေးရတဲ့ပွဲတွေများလာတော့
သွေးတွေပဲပွက်ပွက်ကျလာခဲ့
တစ်ပိုင်တစ်နိုင် ခံယူမှုနဲ့
ပိပိကျလာတဲ့လောကဓံမှာ
ငါ့အနုပညာတွေ သဘောင်္မှောက်ခဲ့ရတယ်
သူငယ်ချင်းရေ
ဘိုညိမ်းရေ
ဖောဖောသီသီပေးနိုင်တာဆိုလို့
ငါတို့ရိုးသားခြင်းပဲ ရှိတယ်မဟုတ်လား
ရိုးသားခြင်းကို ပါးပါးလှီး
အခွံကို ထုတ် အဆုတ်ကို သတ်နေကြတာ
ငုတ်တုပ်အရွယ်နှလုံးသားက
အပြုံးမပျက်ခံနေကြရတာ
မင်းလည်းအသိ ငါလည်းအသိပေါ့
ကဗျာကို နွားငတ်ရေတွင်းကျသောက်
မက်လောက်စရာတောင်မရှိတဲ့င၀ိုင်းမှာ
နာမည်ကြီးတွေကွန်းခိုဖိုတော့
အိမ်ခြံမြေယာတွေက အဆင်သင့်သတဲ့
သူငယ်ချင်းရေ
ဘိုညိမ်းရေ
ငါတို့လမ်းကို ငါတို့သွေးလို့
ငါတို့ခြေထောက်ကို ငါတို့ထမ်းထားကြစို့ရဲ့
တစ်ခါတစ်လေ
အိပ်မက်တွေခြောက်တိခြောက်ချက်ဖြစ်လို့
အမှိုက်စလေးတစ်စလွင့်လာတယ်ဆိုရင်
အဲဒါ ငါလို့ ထင်လိုက်ပါ။ ။

သီဟညိမ်း

မွှေး

ပါးပြင်ပေါ်ကသနပ်ခါး
နမ်းမိတဲ့ခဏမှာ
မွှေးနံ့သာရင်မှာစွဲ
တစ်သက်မမေ့စရာ ။ ။


သီဟညိမ်း

နေညိုချိန်အတွေး

ကြယ်စင်တွေသိမ်းပိုက်မှုနဲ့
အိပ်မက်တွေရာထောင်ချီပွင့်ဖို့
အပြင်းထန်ဆုံးအလင်းတန်းတွေ
ဝေပြလိုက်စမ်းပါ
ကြွေကြွေဝေေ၀ပေါ့
နေမခတဲ့ပန်းဆိုတာ
အနမ်းနဲ့ထိုက်တန်ပါ့မလား
လောကအလှဆိုတာ
သဘာဝတရားကို ထုဆစ်
ချစ်ခြင်းနဲ့သာ ဖူးပွင့်တယ်
ညီမလေးရေ...
ရင်ခွင်တစ်ခုလုံး
တေဇောမီးလောင်ကျွမ်းအောင်
ဘယ်ကမ္ဘာမှာများ မင်းဆုတောင်းခဲ့လဲ
အခြယ်အသတွေနဲ့
မြေအကြွခြေလှမ်းလေး
ငေးရင်း ကျန်ခဲ့တဲ့ သူက ငါပါ
မတတ်သာလို့ ခွေယိုင်တွေး
မအေးနိုင်လို့ ငြိမ်ငြိမ်နေ
တိမ်နေတဲ့ရင်ဘတ်က
ခုဆို လမ်းလျှောက်တတ်နေပြီ
အရွေ့ တစ်ခုရဲ့အင်အားမှာ
ခြေလှမ်းတစ်ခုလိုမယ်ထင်ပါ့
ဒီလိုဆို အဆမတန်
ပြင်းထန်လိုက်စမ်းပါ
နေခြည်တစ်ထွေးနဲ့
ဟိုဘက်ကမ်းကို ကူးပါရစေလား။ ။

သီဟညိမ်း

စိုးရိမ်ရေအမှတ်

ဘ၀ရဲ့နှောင်ဖွဲ့ခြင်းထဲ အငွေ့တွေထလောင်ကျွမ်းတယ်
လက်ပစ်ကူးရင်းနဲ့ ပစ်စက်လက်ခတ်လွင့်လိုက်တော့
၃၅လမ်းမှာ မိုးတွေသည်းလို့
အဝေးကခံစားမှုမြို့ ပြလေးကို ရောက်သွားတဲ့သူ
ဘယ်စကားသံမှ နားဝင်မချိုနိုင်လောက်အောင်
ထစ်ချုန်းမိုးတွေက ရင်ခွင်ထဲတိုးတိုးဝင်သွား
ဒီလောက်ဆို မိုးရာသီဆိုတာ သူ့အတွက်
ဦးဦးဖျားဖျား ပွင့်လိုက်တဲ့လွမ်းစရာ့အချစ်တစ်ခု
ခြိမ်းလိုက်တိုင်းမျက်တောင်လေးတစ်ဖျတ်ဖျတ်နဲ့
တစ်ဘက်တည်းထောက်ထားတဲ့ဘီးကလေး
လေမိုးနဲ့ရောပြီးအထီးကျန်ဆန်နေတယ်
အတင်းဖက်တွယ်ကုပ်ကပ်ထားတဲ့အရာလေးတစ်ခု
ခိုးလိုးခုလုဖြစ်နေလိုက်ပုံများ အိပ်မက်ထဲထိဆွဲငင်နေတုန်းပဲ
့ဆိုလိုတာက မျက်ဝန်းနှစ်ခုချည်နှောင်လိုက်တဲ့အခါ
ပွင့်ဖတ်တွေမကြွေကြနိုင်ဘူးလို့ ခင်ဗျားပြောနိုင်ပါ့မလား
တကယ်က ပြီးဆုံးသွားတာမဟုတ်ဘူး
အစကို ရေးဖို့ ၀ လုံးလေးကို အသက်သွင်းခဲ့မိတာ
အဲဒီဝလုံးလေးမှာ တစ်ဦးက အခြားတစ်မြို့ ကို ထွက်ခွာသွားသူ
တစ်ဦးက အခြားနောက်တစ်မြို့ ကို လွင့်သွားရတဲ့သူ
အထီးကျန်မြို့ လေးမှာ အထီးကျန်ဘီးလေးက
မန္တလေးတောင်ကြီးကို ဦးခိုက်
သူတို့နှစ်ယောက် ဘယ်တော့များမှ ပြန်ဆုံနိုင်ပါ့မလဲလို့ တွေးနေလေရဲ့ ။ ။

သီဟညိမ်း

ချစ်သူဖတ်စာ ၂

တစ်နေ့တစ်နေ့
ယုံကြည်ခြင်းနယ်နိမိတ်ထဲ
အချစ်သင်္ကေတအလံဖြူလေး
ခိုင်မာစွာ လွင့်ပျံလို့ ။
ကျွန်တော့်ရင်ခွင်ထဲ
ပျိုးတဲ့စံပယ်ပင်လေး
သူမ ဆင်မြန်းရသလို
သူမ ထွေးပွေ့ထားတဲ့
ဓါတ်ပုံလေးကျွန်တော်
နွေးထွေးရပါတယ် ။
တစ်မျှော်တစ်ခေါ်ဝေးနေရလို့
အဆွေးလေးတွေလည်းအသံမြည်…
ဥသြငှက်ကလေး ကိုယ်ပါကွယ်
တစ်စာစာအော်မြည်နေရတာဟာ
ချစ်သူ ရောက်မလာသေးလို့ပါ ။ ။

သီဟညိမ်း

ချိုမြိန် ဒုက္ခ

အချစ်က
ချိုမြိန်ပါတယ်
ဒဏ်ရာတွေထုတ်ချင်းခတ်
ရင်ကွဲမတတ်လွမ်း
ဖမ်းယူထားတဲ့စိတ်အစဉ်
သူနဲ့တွေ့မှ ကြွေလွင့်ရတယ်
မြေကြီးကိုဝတ်
ကောင်းကင်ကိုခြုံ
မာယာဘုံကအချစ်
တစ်ရစ်ပြီးတစ်ရစ်…လွမ်းတယ် ။ ။

 သီဟညိမ်း