ကိုယ်ချင်းစာကြည့်ခြင်း

လမ်းမကြီးတစ်ခုပေါ်
အိပ်မက်တစ်ခုပစ်မချခင်
အံကြိတ်ပြေးလာတဲ့ရထားတစ်စင်းအသံ
ငါ့ရင်ဘတ်ကို လာမှန်တယ်
ဘယ်သူပြောလဲ
ရထားတစ်စင်းရဲ့ ဥသြဆွဲသံမှာ
နာကျင်ခြင်းမပါဘူးလို့
ကမ္ဘာကြီးရဲ့အနားယူခြင်းထဲမှာ
ဘူတာတစ်ခုအတွက်
အိပ်စက်ခြင်းတွေ ထည့်ပေးရင်ကောင်းမယ်
အခိုးအငွေ့ထွက်အောင်
တဟောဟောပြေးလိုက်ရလို့
ဇက်ကြိုးတို့ဆွဲလိုက်ချိန်မှာ
မီးပွင့်မီးခိုးထွက်လာတာ ဟာ
အံဖတ်နည်းနည်း ထွေးမိခဲ့တာပါ
စဉ်းစားကြည့်မိတယ်
လောကထဲကိုဝင်လာတဲ့အရာမှန်သမျှ
ကျောပေါ်ကိုပြဿနာတွေတင်ပေးသလား
ဒါမှမဟုတ် ခန္ဓာအိမ်ထဲကို ထည့်ပေးသလား
သူ့မှာတော့ ကျောပေါ်ကော ခန္ဓာကိုယ်ထဲကော ပြည့်လို့
ရပ်စောင့်နေသော နာရီလက်တံများ
အပြိုင်းပြိုင်းထခုန်နေသော သံလမ်းများ
တစ်ဂျုံးဂျုံးနှင့်ပြေးလာသော ခြေထောက်များ
ဘယ်အချိန်ထိ သံသရာဆက်ရှည်နေကြဦးမလဲ
ဒါဟာ ရိုးစင်းတဲ့ လူ့ယဉ်ကျေးမှုပဲဖြစ်မှာပါ
ဟော့ဒီအလံရွက်လေး ဝှေ့ယမ်းတဲ့အခါ
ကမ္ဘာကြီးပေါ်မှာ မမောမပန်းနိုင် ပတ်ပြေးနေရတဲ့ ရထား
အဖြူရောင် ကိုယ်ချင်းစာတရားများနဲ့
ဆက်လက်ထွက်ခွာသွားတော့တယ် ...။

သက်ထွန်းညိမ်း